असार २७, जनकपुरधाम । नेकपा ( माओवादी केन्द्र) का उप महासचिव तथा पुर्व मन्त्री मातृका प्रसाद यादव सहितको टोलीले बिहीबार मुजेलिया–धनुषाधाम सडक खण्डको निरीक्षण गरेको छ ।
पुर्ब मन्त्री यादव , सडक डिभिजन कार्यालय जनकपुरका डि.ई. अरुण कुमार लाल कर्ण , ईन्जिनियर दुर्गा साह , सुभाष तिवारी , सबैला नगरपालिकाका नगरप्रमुख कारीराम यादव ,नेकपा (माओवादी केन्द्र ) का जिल्ला संयोजक दिपक यादब , योङ्ग कम्युनिस्ट लिग धनुषाका जिल्ला ईन्चार्ज सरोज यादवलगायत नेता कार्यकर्ता , बुद्धिजीवी , समाजसेवी सहितको टोलीले मुजेलिया –धनुषाधाम सडक खण्डको संयुक्त निरीक्षण गरेको हो ।
निरीक्षणपछि मन्त्री यादवले मुजेलिया-तारापट्टी – धनुषाधाम – धारापानी सडक खण्ड निर्माण कार्यमा धनुषाधाम बजार देखी धरापानी सम्मकाे सडक खण्डमा पर्ने जग्गा धनीहरुलाई मुआब्जाको लागि पहल गरिने बताएका छन् । सडक डिभिजन कार्यालय जनकपुरधामका डि. ई. का अनुसार पुर्ब मन्त्री यादवको विशेष पहलमा यो सडक खण्डको निर्माण कार्यको शुरूवात भएको बताएका छन् । उनले यो सडक खण्डको काम तीन चरणमा भइरहेको तथा यसै आर्थिक वर्षमा सम्पन्न हुने जानकारी दिएका छन् ।
