२०८२ भदौ ३१ जनकपुरधाम : सहिद चन्देश्वर मण्डलको २०औँ स्मृति सभाको एक दिन अघि नेकपा माओवादी (केन्द्र) मिथिला बिहारी नगरपालिका नगर कमिटीले भव्य मोटरसाइकल रयाली निकालेर जनताको उत्साहजनक सहभागिता सुनिश्चित गर्ने तयारी गरेको छ।
मोटरसाइकल रयालीको अवसरमा नेकपा माओवादी केन्द्रका केन्द्रीय सदस्य तथा धनुषा जिल्ला इन्चार्ज श्रवण बरवरिया यादवले उपस्थित जनतालाई सम्बोधन गर्दै सहिद चन्देश्वर मण्डल लगायतका वीर सहिदहरूको त्याग र बलिदानका कारण नेपालमा संघीयता, लोकतन्त्र र गणतन्त्र स्थापना भएको जानकारी गराए।
मोटरसाइकल रयाली मार्फत मिथिला बिहारी नगरपालिकाको सबै वडा तथा सम्पुर्ण धनुषा जिल्लावासी मधेस प्रदेशवाशिहरुलाई स्मृति सभामा सहभागी हुन आमन्त्रण गरिएको थियो। आयोजक कमिटीले रयालीमा सहभागी सबैलाई अनुरोध गर्दै स्मृति सभालाई भव्यता पूर्वक सफल पार्न र सहिदको सम्झनामा संवेदनशील तथा पर्वको रुपमा मनाउन आग्रह गरेको थियो।
भोलि, २०८२ भदौ १ गते सहिद चन्देश्वर मण्डलको स्मृति सभा तथा रक्तदान कार्यक्रम आयोजना हुनेछ। आयोजकहरूले जानकारी दिएका अनुसार कार्यक्रममा नेकपा माओवादी केन्द्रका केन्द्रीय उपाध्यक्ष पम्फा भुसाल, केन्द्रीय उपमहासचिव तथा मधेस प्रदेश इन्चार्ज मातृकाप्रसाद यादव, प्रदेश र जिल्लाका अन्य शीर्ष नेताहरूको उपस्थिति रहनेछ। कार्यक्रममा सहिदहरूको सम्झना गर्दै विविध सांस्कृतिक कार्यक्रम, श्रद्धाञ्जली तथा रक्तदान कार्यक्रम समेत सञ्चालन गरिने छ।
नगरका विभिन्न स्थानहरूमा मोटरसाइकल रयाली निकालेर जनताको सहभागिता बढाउने प्रयत्न गरिएको भन्दै आयोजक कमिटीले स्थानीय जनतालाई स्मृति सभा तथा रक्तदान कार्यक्रममा सहभागी भएर सहिदहरूको सम्झनामा योगदान पुर्याउन आग्रह गरेको छ।
स्मृति सभा र मोटरसाइकल रयालीले सहिदहरूको बलिदान र योगदानलाई सम्झने अवसर प्रदान गर्ने मात्र नभई जनमानसमा सामाजिक जागरूकता र एकताको भावना जागृत गर्ने विश्वास गरिएको छ।
