मिथिलाञ्चल टाइम्स ।
माघ ६, जनकपुरधाम । धनुषाको सबैला नगरपालिका भित्रका ३ वटा सामुदायिक बिधालयमा पक्की RCC भवनको शिलान्यास गरिएको छ। शनिबार एक कार्यक्रमका बीच सबैला नगरपालिकाका नगर प्रमुख कारीराम यादवले भवनको शिलान्यास गरेको छ ।
राष्ट्रपति शैक्षिक सुधार कार्यक्रम अन्तर्गत श्री सरस्वती माध्यमिक बिधालय ठिल्लामा चार कोठे , श्री जनता माध्यमिक बिधालय सिमराढीगढीमा चार कोठे र श्री आधारभूत बिधालय ढोलबज्जा कितरपुरमा दुई कोठे पक्की RCC भवनको शिलान्यास गरिएको हो ।
उक्त कार्यक्रममा नगर उप प्रमुख रहिमा खातुन , वडा अध्यक्ष, प्राबिधिक कर्मचारीहरु तथा तीन वटै सामुदायिक बिधालयका प्रधानाध्यापक, शिक्षक, कर्मचारी र छात्र, छात्राहरू उपस्थिति रहेको थियो । मेयर कारी राम यादव , उपमेयर रहिमा खातुन र वडा अध्यक्षहरुलाई गम्छा खादा ओढाएर सम्मान गरे ।
सरकारले सामुदायिक शैक्षिक संस्थाको भौतिक संरचना विकास, सिकाइ वातावरण सुधार र गुणस्तरीय शिक्षा सुनिश्चित गर्न योगदान गरी सार्वजनिक शैक्षिक संस्थालाई विद्यार्थीको सिकाइका लागि रोजाइको केन्द्र बनाउने उद्देश्यले राष्ट्रपति शैक्षिक सुधार कार्यक्रम सहित कार्य संचालन गर्दै आएको छ ।
