spot_img
सोमबार, बैशाख ३, २०८१
सोमबार, बैशाख ३, २०८१
- Advertisement -spot_imgspot_img
बिशेष खबरलोसपा द्वारा तराई मधेशमा प्रशिक्षण कार्यक्रमलाई तिव्रता

लोसपा द्वारा तराई मधेशमा प्रशिक्षण कार्यक्रमलाई तिव्रता

११ चैत , जनकपुर ।
लोकतान्त्रिक समाजवादी पार्टी नेपालले स्थानीय चुनावलाई केन्द्रीत गरि पार्टीका कार्यक्रमलाई तिब्रता दिएको छ । उक्त पार्टीले तराई मधेशमा प्रशिक्षण कार्यक्रमहरुलाई तिव्रता दिएको हो । मधेश प्रदेशमा जनकपुर र वीरगञ्जमा प्रशिक्षण कार्यक्रम सकेको छ भने लुम्बिनी प्रदेशमा दुईटा प्रशिक्षण राखेको छ ।
चैत ८ गते जनकपुरमा राखिएको प्रशिक्षणमा सप्तरी, सिरहा, धनुषा र महोत्तरीका पार्टीका नेता तथा कार्यकर्ताको सहभागिता थियो भने चैत १० गते वीरगञ्जमा भएको प्रशिक्षण कार्यक्रममा सर्लाही, बारा, रौतहट र पर्सा जिल्लाका नेता तथा कार्यकर्ताको सहभागिता थियो ।

चैत १२ गते नेपालगञ्ज र चैत १४ गते भैरहवामा प्रशिक्षण कार्यक्रम राखिएको छ । चारवटै प्रशिक्षणका कार्यक्रम सकिएपछि कार्यकारिणी समितिको बैठक बसेर थप कार्यक्रम तय हुने मधेश प्रदेशका प्रदेशसभा सदस्य एवं कार्यकारिणी सदस्य जितेन्द्र सोनलले बताए । उनले भने, ‘यो अहिलेको प्रशिक्षण चुनाव केन्द्रीत हो, चुनावमा उम्मेदवार कसरी छान्ने, पार्टीको पक्षमा मत कसरी बढाउने, संगठन कसरी बनाउने जस्ता विषयमा पार्टीका अगुवा कार्यकर्ताहरूसँग छलफल गरिएको हो ।’

- Advertisement -

यो प्रशिक्षणले पार्टीको संगठन निर्माणदेखि लिएर चुनावी रणनीति बनाउन मद्दत पुग्ने विश्वास लिएको नेता सोनलले बताए । उनले चुनावी गठबन्धनको बारेमा भने कार्यकारिणी समितिको बैठकले तय गर्ने बताए । अन्य दलहरु चुनावी गठबन्धन बनाएर निर्वाचनमा जाने भएपछि लोसपाले पनि कुनै न कुनै दलसँग गठबन्धन बनाउने प्रयास गर्ने बताउँदै नेता सोनलले कुन दलसँग गठबन्धन गर्ने नगर्ने भन्ने विषय अहिले नै तय नभएको बताए ।

- Advertisement -

प्रशिक्षक जय निशान्तले पार्टीका नेता तथा कार्यकर्तालाई सैद्धान्तिक, व्यवहारिक कुराको जानकारी दिने गरेको बताए । प्रशिक्षणमा पार्टीका अगुवा कार्यकर्ता हुने भएकाले सैद्धान्तिक पक्ष र व्यवहारिक पक्षको बारेमा जानकारी गराउने गरिएको उनले बताए । साथै विपक्षी दलको भूमिका र त्यसको उपस्थितिको बारेमा समेत जानकारी गराउने गरेको उनले बताए ।

LEAVE A REPLY

Please enter your comment!
Please enter your name here

सम्बन्धित खबर

spot_img
spot_img

ताजा समाचार