spot_img
शुक्रबार, फाल्गुन ११, २०८०
शुक्रबार, फाल्गुन ११, २०८०
- Advertisement -spot_imgspot_img
समाचारतराई मधेश क्षेत्रमा आज हर्षोल्लासपूर्वक होली पर्व मनाइँदै ,मिथिलाञ्चलमा...

तराई मधेश क्षेत्रमा आज हर्षोल्लासपूर्वक होली पर्व मनाइँदै ,मिथिलाञ्चलमा भोलि

नेपालको तराई मधेश क्षेत्रमा आज (शुक्रबार) हर्षोल्लासपूर्वक होली पर्व मनाइँदै छ।

हिमाल पहाड क्षेत्रमा मनाएको दोश्रो दिन तराई मधेशमा होली पर्व मनाउने गरिन्छ । बिहीबार हिमाली र पहाडी क्षेत्रमा होली पर्व मनाइएको थियो ।

आज तराई मधेशमा विशेष रुपमले रंगहरूको पर्व होली मनाइँदै छ ।

भौगोलिक संरचना र मान्यताअनुरूप फागु पूणिर्मा मनाउने प्रचलन नेपालमा छ। स्थानअनुसार मनाइने फागु पुणिर्माको नाम पनि फरक फरक छ। हिमाली र पहाडी भेकमा ‘फागु’ र मधेशमा ‘होली’ को रुपमा यो पर्वलाई चिनिन्छ।

होली पर्वको अवसरमा सरकारले आज मधेश तराईका जिल्लामा सार्वजनिक बिदा दिएको छ।

मिथिलाञ्चलमा भने भोलि मात्र होली पर्व मनाइन्छ । तराई मधेशको महाकुम्भ मानिने १५ दिवसीय मिथिला मध्यमा परिक्रमा समापनको भोलि पल्ट होली पर्व मनाउने परम्परा रहेको छ ।

आज जनकपुरधामको अन्तगरगृह परिक्रमा गरी मिथिला मध्यमा परिक्रमा समापन हुँदै छ । भोलि भने जनकपुरधाम क्षेत्र लगायत मिथिलाञ्चलमा होलि पर्व मनाइन्छ ।

वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने होली पर्वमा विभिन्न रङ र लोला खेली मनाउने परम्परा छ।

मधेश प्रदेशको राजधानी जनकपुरधाममा होलीलाई शान्त र मर्यादित बनाउँन मासु तथा मदिराको विक्री वितरणमा स्थानीय प्रशासनले रोक लगाएको छ।

LEAVE A REPLY

Please enter your comment!
Please enter your name here

सम्बन्धित खबर

spot_img
spot_img

ताजा समाचार