नेपालमा विगत २४ घण्टामा ८,४५४ जनामा कोभिड पुष्टि भएको स्वास्थ्य तथा जनसङ्ख्या मन्त्रालयले बुधवार अपराह्ण जनाएको छ।
अहिलेको वृद्धिसँगै देशभरि रहेका सक्रिय सङ्क्रमितको सङ्ख्या ९० हजार नाघेको छ।
- Advertisement -
तीमध्ये आधाभन्दा बढी काठमाण्डू उपत्यकाका तीन जिल्लामा छन्।
मन्त्रालयले प्रकाशित गरेको विवरणअनुसार कोभिडसँग सम्बन्धित कारणले थप पाँच जनाले ज्यान गुमाएका छन्।
- Advertisement -
बुधवार अपराह्न प्रकाशित विवरणअनुसार विगत २४ घण्टामा १३,५४९ वटा परीक्षण पीसीआर विधिबाट र ६,८१० वटा एन्टिजन विधिबाट कुल २०,३५९ परीक्षण गरिएको थियो।
पीसीआर विधिबाट गरिएका परीक्षणमध्ये ४१ प्रतिशतभन्दा बढीमा र एन्टिजन परीक्षणमा ४२प्रतिशतमा सङ्क्रमण पुष्टि भएको हो।
